Қазақстанның далалы аймағының қақ ортасында, Астана қаласынан шамамен 130 км оңтүстік-батысқа қарай еліміздің бірегей табиғи аумақтарының бірі — Қорғалжын мемлекеттік табиғи қорығы орналасқан.
Қорық 1968 жылы құрылып, 2008 жылы оның аумағы едәуір кеңейтілді. Бүгінде қорықтың жалпы аумағы 543 мың гектардан асады.
📍 Қорғалжын мемлекеттік табиғи қорығы Ақмола және Қарағанды облыстарының аумағында орналасқан. Қорық жерінде кең байтақ дала мен сулы-батпақты алқаптар бар. Бұл аумақтар табиғи экожүйелерді және өсімдіктер мен жануарлардың алуан түрлерін сақтауда маңызды рөл атқарады.
💧 Қорықтағы ерекше табиғи нысандардың бірі — бір-бірімен байланысқан Қорғалжын және Теңіз көлдерінің бірегей жүйесі. Мұнда табиғат үшін, әсіресе қоныс аударатын құстар үшін аса маңызды кең көлемді су-батпақты алқаптар орналасқан.