Қорғалжын мемлекеттік табиғи қорығында табиғатты сүю мен оны қорғауға адалдықты ұрпақтан ұрпаққа жеткізіп келе жатқан әулет еңбек етуде — Олег Николаевич Трофимов пен оның ұлы Степан Олегович Трофимов.
Олег Николаевич Трофимов 2004 жылдан бастап қорықта мемлекеттік инспектор қызметін атқарып келеді. Ол жылдар бойы өз ісіне жауапкершілікпен қарап, табиғи экожүйелерді сақтауға зор үлес қосты. Табиғатты қорғау саласындағы адал еңбегі үшін «Биологиялық әртүрлілікті сақтау үшін» II дәрежелі медалімен, сондай-ақ түрлі ведомстволық марапаттармен және алғыс хаттармен марапатталған. 🌿
Әке ісін жалғастырған Степан Олегович Трофимов 2016 жылы қорыққа қосымша қызметкер ретінде қабылданып, 2024 жылы экологиялық ағарту бөліміне ауыстырылды. Жаз мезгілінде ол гид қызметін атқарып, келушілерге Қорғалжын қорығының бірегей табиғатын таныстырады. 🌾
Табиғатты қорғау және экологиялық ағарту бағытындағы белсенді еңбегі үшін бірнеше рет қорық әкімшілігінің алғыс хаттарымен және грамоталарымен марапатталған.
.