2024 жылғы 21–26 сәуір аралығында Қорғалжын мемлекеттік табиғи қорығының аумағында киіктерге әуе санағы жүргізілді. Санаққа Зоология институтының,  «Охотзоопром»  АСБК-ның, сондай-ақ Ақмола және Қарағанды облыстық аумақтық инспекцияларының мамандары қатысты. Қорғалжын қорығы атынан есепке алу жұмыстарын ғылым және мониторинг бөлімінің жетекшісі Артём Янушевский мен мемлекеттік инспектор Еркін Ермеков жүргізді. Киіктермен қатар, мамандар сүтқоректілер мен құстардың басқа түрлеріне де бақылау жүргізді — олардың қатарында қызғылт фламинго мен жабайы шошқалар да болды.