Ақ қаңбақ (Gypsophila paniculata) — қалампыр тұқымдасына жататын көпжылдық шөптесін өсімдік. Қазақстанда құмды далаларда, өзен жағалауларында және тақырланған жерлерде өседі. Әкті және сілтілі топырақтарды жақсы көретіндіктен, топырақтағы кальций мөлшерінің жоғары екенін көрсететін индикаторлық түр болып саналады.

Тұқымы піскеннен кейін өсімдіктің жер үсті бөлігі тамырынан ажырап, шар тәрізді пішінге еніп, желдің әсерімен далада домалап қозғалады. Осылайша тұқымдарын кең аумаққа таратады.

Өсімдіктің тамырында 30%-ға жуық сапониндер болады. Олар медицина мен ветеринарияда қолданылады. Сонымен қатар тамыр ұнтағы табиғи жуғыш зат ретінде жүн жууға, сондай-ақ сабын мен сусабын өндірісінде пайдаланылады.