Қорғалжын қорығы — әлем картасындағы бірегей табиғи аумақтардың бірі. Дәл осы жерде кәдімгі қоқиқаздардың ең солтүстік ұялайтын орны орналасқан.

Жыл сайын мыңдаған қоқиқаздар осы жерге ұшып келіп, балапан өрбітеді. Таяз тұзды көлдер, қоректің молдығы және қауіпсіз орта олардың тіршілігіне қолайлы жағдай жасайды.
Қоқиқаздардың нәзік сымбаты мен топтанып жиналуы бұл аймаққа ерекше көрік беріп, көз тоймас әсем көрініс сыйлайды.

Судағы шағылысы, баяу қимылдары және қоқиқаздарға тән ерекше бейнесі Қорғалжын қорығының табиғатын қайталанбас әрі Қазақстаннан тыс жерлерге де танымал етеді